Rexurdimento no 1 de Maio

Como todos os anos por estas datas, Canido toma impulso para fortalecer a súa autoestima. As froles empezan a cubrir balcóns, cancelas, rúas e o noso símbolo máis representativo, o Cruceiro, para trocar as súas cores, de natural preciosas, por outras que pasarán, pero deixarán a súa pegada durante outros doce meses.

Para o visitante dicirlle que as festas de Canido non se atopan no exterior. Que non espere ver á París de Roña nin á Orquesta Patochada, de ningún xeito. As festas en Canido xurden do máis fondo dos corazóns dos Canidienses para afloran entre jaitas e tamboriles misturados con callos e grolos de viño no medio do Toldo.

O 1 de maio é tamén día de loita da clase traballadora, non no esquezamos, á que pertencemos maioritariamente os habitantes do mellor barrio do mundo.

Que entre as nosas promesas de rexurdimento se atopen aquelas que permitan que o noso barrio reciba todo o que se merece e que nos negan dende que o mundo é mundo.

Pero bueno, ademáis de todo isto tan profundo e poético quería dicirvos que non me acabedes coa empanada, que xa vou!!!

Comentarios

Entradas populares de este blog

Meninas de Canido 2017

El Terrorismo del Paro

Algo de historia do barrio